منتدى علمي ثقافي تعليمي
عزيزي العضو(ة), هذا المنتدى هو ساحة نقاش و حوار رحب بين اعضاء ينتسبون إلى اسرة منتدى رمادة إن المديرين و المشرفين على هذا المنتدى يسهرون على سيره بشكل يجعله منبع نشاط و تبادل شيق و بناء. و لن يترددوا بإلغاء و ايقاف أي مساهمات مشكوك بها أو ذات طابع تعسفي, لا أخلاقي او مهين لشخص أو جماعة. تتعهد إذاً بأن تتحلى بأخلاق عالية و تصرفات مثالية زهاء اعضاء المنتدى مهما اختلفت آراؤهم عن آرائك و أن تكون عضواً فعالاً و إيجابياً. أنت تقر أيضاً أن كل الآراء و الأفكار المتواجدة في مساهماتك هي تحت مسؤوليتك الشخصية و تعبر عن رأيك الشخصي المحض و لا علاقة أو مسؤولية لأعضاء المنتدى أو المديرين أو المشرفين أو منتدى رمادة بها. و بالتالي لا أحد غيرك يكون مسؤولاً قضائياً عن محتوى مساهماتك غيرك أنت فقط.
بحـث
 
 

نتائج البحث
 


Rechercher بحث متقدم

سحابة الكلمات الدلالية

المواضيع الأخيرة
» الماجستير المهنى المصغر فى ادارة الاعمال Mini MBA
الإثنين يوليو 17, 2017 8:51 am من طرف Admin

» ارغب بان اكون مشرفة على منتدى الام والطفل
الثلاثاء يناير 31, 2017 10:06 am من طرف اماني

» تعلم ادارة منتدى رمادة عن فتح باب الترشح لادارة المنتدى والاشراف على الصفحات
الثلاثاء يناير 31, 2017 10:02 am من طرف Admin

» الماجستير المهنى المصغر فى ادارة الاعمال Mini MBA
الثلاثاء يناير 24, 2017 12:39 pm من طرف ahmed shams

» م/ حازم فتحى شاهين
السبت مارس 12, 2016 9:36 am من طرف نورهان محسن

» مطلوب مشاريع مقاولات عامة وتكييف مركزي
الإثنين فبراير 08, 2016 3:02 pm من طرف أخصائي تسويق

» كيف أحسن أخلاقي
الإثنين يناير 18, 2016 12:14 am من طرف Admin

» كيف أحسن أخلاقي
الإثنين يناير 18, 2016 12:12 am من طرف Admin

» أهمية الأخلاق في بناء المجتمع
الإثنين يناير 18, 2016 12:09 am من طرف Admin

يوليو 2017
الإثنينالثلاثاءالأربعاءالخميسالجمعةالسبتالأحد
     12
3456789
10111213141516
17181920212223
24252627282930
31      

اليومية اليومية

أفضل 10 أعضاء في هذا الشهر
Admin
 


حكاية " زوز إخوة واحد غني و واحد فقير " و إسمها زادة " ربيّ يسخر " للمرحوم العروي ..

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

حكاية " زوز إخوة واحد غني و واحد فقير " و إسمها زادة " ربيّ يسخر " للمرحوم العروي ..

مُساهمة من طرف Admin في السبت يناير 09, 2016 8:21 pm

حكاية " زوز إخوة واحد غني و واحد فقير " و إسمها زادة " ربيّ يسخر " للمرحوم العروي ..
فما زوز إخوة واحد فقير و واحد غني، و الغني هو الله، و هاك القلّيل عندو شبعة أولاد و نهار كامل واحل في قوتهم يهز ساق تغرق ساق، ساعات يمشي لأخوه الغني يقولو يا خويا عاوني راني في أشد تعب، البارح الوليدات من غير عشاء، خوه الغني يقولو ربي يسخّر ( معناها ربي ينوب ) و طول عمره ما نهار حنّ عليه و عطاه حتى فرنك، ما يعرف كان كلمة ربي يسخر أو ربي ينوب، و كيما قالوا ناس بكري كان الخو ينفع خوه ما يبكي حتى أحد على بوه ..
هيا حتى نهار هال المسكين الزوالي قال : توا أنا كل وين نكلم خويا يقولي ربي يسخّر، شكونو هذا ربّي يسخر و وينو زعما و خليقة أو صنيعة ، مسكين من كثر الفقر و الحاجة و يشوف في صغاره لا يفرحوا بعيد و لا يلبسوا كيف أولاد الناس و لا يعرفو لحم و لا ماكلة تنفع .. تمس في عقله و قريب يكفر.. هيا قال لازمني نمشي نلوج عليه هذا ربي ينوب وينو ..
هيا خرج من البلاد و شد الثنية، هاو ماشي ماشي .. تعدّى قدام بيت صغيرة و يلقى قدامها عزوزة قاعدة، قالها سلام قاتلو عليكم السلام وين قاصد ربي يا ولدي ؟ قالها سمعت بربي ينوب حبيت نمشيلو نشوف شنوا ، قاتلو لعزوزة براس ولدي مالا كان لقيتوسلملي عليه و قولو عندي 7 بنات كيف الأميرات كبروا و حتى واحدة منهم ما تخطبت و إلا عرست .. بقاها بخير و مشى على روحو ..
هاو ماشي هاو ماشي .. يلقى مرأة أخرى تحمي في الخبز في الطابونة، قاتلوا وين قاصد ربي يا ولدي، قالها ماشي لربي يسخر ( ربي ينوب ) ، قاتلو سلملي عليه و قولو راني عندي هالطابونة ما تلقاش حتى طابونة كيفها و لكن الخبز نرميه عجينة يطلع عجينة ما يطيبش ، قالها باهي يا ميمتي تو نقولو و بقّاها على خير و زاد مشى على روحو ..
هاو ماش ماشي يلقى نخلة، سلم عليها قاتلو وين ماشي يا ولدي ؟ قالها لربي يسخّر ( ربي ينوب ) قاتلو بربي سلم عليه و قولو أنا نخلة نابتة في أعز تراب لكن عمري ما جبت كعبة تمر، قالها باهي و زاد مشى القدام ..
هاو ماشي عرضو راجل في إيدو قفص فيه عصفور، قالو أنا راجل كثر عليا الخير و ما عادش عارف أش نعمل بيه ..
و زاد مشى القدام لقى بحر، قالو وين ماشي ؟ قالو ماشي لربي يسخر، قالو أنا بحر ترابي كلافضة و موجي يعشق الناضرين و لكن ما فياش حتى حوتة ..
هيا هاو ماشي سي وخينا حتى لقى ركل عجوز كبيرقاعد على زربية، سلام عليكم ، قالو و عليكم السلام، قال : وين ماشي يا ولدي ؟ قالو ماشي لربي يسخر .. قالو هيا أقعد أقعد أش حاجتك بيه إنت ؟
قالو على حكاية لعزوزة أم الـ 7 بنات و على الطابونة و على النخلة و على الراجل مولى القفص و على البحر
قالو لعزوزة قولها راهو قدام عتبة دارها فما 7 سبايك ذهب، تحفر و تنحيهم من فما تو بناتها يجويهم الخطابة
و قالو النخلة فما صندوق لويز مدفون تحتها، و مولاة الطابونة قولها تحفر تحت الطابونة تو تلقى جرّة مليانة بالذهب، و مولى القفص يقولو ما عادش يحمد ربي تو ينقص عليه الخير، البحر قولو يأكل ابن أدم تو يولي فيه الحوت .. و مسكين قالو باهي و قصد ربي راجع على ثنيتو ومن غير ما سألو هو على أحواله لكن ربي ما يخلي بحتى أحد .. الحكاية هذه كتبها سيف المشرف على صفحة " حكايات عبد العزيز العروي " على الفايسبوك
هاي وصل لمولى القفص، قالو لازمك تنقص من الحمد و الشكر لربي تو ينقص عليك الخير، قالو أنا نّقص ؟ لا يا سيدي أعوذ بالله و بدأ يقول الحمدلله احمدلله الحمدلله ..و بدأ القفص يتحول لذهب و العصفور ولى ياقوتة، قالو هزهم خوذهم حلال عليك، هيا هزهم هاك الراجل و مشى، و وصل للعزوزة قالها راهو قلك فما 7 سبايك ذهب تحت الباب، دخلت و جابتلو فأس قاتلو أحفر و بدأ سي وخينا يحفر، حتى طلع الـ 7 سبايك ذهب و قاتلو خوذهم حرام عليا و حلال عليك، هزهم و مشى و تعدى على النخلة و قالها على صندوق اللويز يلي مدفون تحتها و قاتلو أحفر و حفر و طلع الصندوق قاتلو خوذو حلال عليك، و بعد تعدى على مولاة الطابونة قالها على جرّة الذهب قاتلو خوذها، و روح للبلاد و دخل في الليل بالسرقة و معاه كل الخير، صندوق للويز و الذهب و سبايك الذهب و الجرة ذهب ما يغني البشر طول العمر، و من غدوة صبحت الهدادة تهد و البناية تبني و بنى قصر و بنى ديار و حناوت و هبط الزرابي و التحف و الموبيليا .. الحكاية هذه كتبها سيف المشرف على صفحة " حكايات عبد العزيز العروي " على الفايسبوك
هيا جاء العيد، ليلة العيد زوجة هاك الخو الغني، قالت للخادمة هز صحن حلو و هزو لهاك خو راجلي الفقير المغبون خلي أولاده يفرحوا غدوة مساكن .. هيا خرجت الخادمة و تعجبت من يلي شافاته عينيها و قعدة باهتة تقول في قصر سلاطين و زوجة هاك الخو يلي كان قبل فقير فرحت بالخادمة و عطتها قماش حرير و كعبة لويز و قالتلها سلم على للاتك و روحت قالتلها على الحكاية الكل .. مشات تجري لراجلها قاتلو قول شوف خوك يلي كان يشهق ما يخلط والفقر عامل معاهدة معاه كيفاه أصبح تقول سلطان و إنت راقد ! قالها شنوا ؟؟
هيا مشالو قالو خويا منين ليك هذا ؟ قالو من عند ربي يسخر يلي قوتلي عليه .. قالو إي قولي وينو حتى أنا نحب نمشيلو .. و الدنيا ما يشبع منها حتى حد، قعد يجي جمعة و هو كل نهار يجيه يقولو بجاه ربي قولي وينو هذا ربي يسخر نحب نمشيلو حتى أنا كيفك، و هيا يا سيدي قالو باهي و ركبو شدو الثنية، لقاو لعزوزة سألها على أحوالها قالها بناتي الكل عرسو، و تعادوا على مولاة الطبونة و لقاها تخرج في خبز نودكم و لا نشهيكم، و تعادوا على النخلة يلقاو التمر فيها كيف الذهب ماشاء لله، و لقاو الراجل مولى القفص في خير و نعمة ، زادوا القدام حتى وصلو للبحر ..
قال البحر تي شبيك طولت عليا مش وصيتك باش تشوفلي ربي يسخر علاش ما فياش حوت ؟
قالو ولله سامحني راني نسيتك، و راوه قالك لازمك تأكل ابن أدم باش ايولي يعيش فيك الحوت ..
قال البحر اي عاد ما فماش ما خير من هاك الطماع يلي بجنبك و خرجت موجة عالية و خطفت هاك الخو الطماع، و ما لقى ماقيعمل هال الخو و ولى صلى على خوه صلاة الجنازة و رجع للبلاد و لقى زوجة أخوه الطمّاع ، قالها راجلك مات، شهقت شهقة واحدة و روحها طلعت و ما عندهمش صغار ولى زاد وخينا ورث اللمة و ما فمّا .. وفات الحكاية ان شاء الله تكون عجبتكم

Admin
Admin

عدد المساهمات : 122
السٌّمعَة : -1
تاريخ التسجيل : 22/12/2015

معاينة صفحة البيانات الشخصي للعضو http://remada.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى